[ندعوك للتسجيل في المنتدى أو التعريف بنفسك لمعاينة هذا الرابط]ما نســـيتك ...لا تقول اني ذكرت .. ولا تقـول انـي نسيـت
كيف يعني .. يذكرك انسان لحظـه مانسـاك
ادري اني صدق أحبــــــكــ .. وادري انك مادريـت
اني حتى ضد نفسي صـرت ياعمـري معـاك
لو اقول وش كثر أحبـــــكــ ! ما تصدق لـو حكيـت
داااام حبي فـووق والله مستـواي ومستـواك
(كل حرف ٍ لك كتبت ) و (كل حرف ٍ لي قريت)
(في شي ٍ من عناي) و(فيه شي ٍ من غـلاك)
في غيابك ... ياحبيبي ياكثـر ماقلـت لييـت
وياكثر ما قيييل عني في غيابـك وش بـلاك
مو مهم اللي جرى لي ... المهم انك رضيـت
دام يزعلني زعلّك ... ودام يرضينـي رضـاك
انت دمع ٍ في عيوني .. مابكيتـه لـو بكيـت
وانت كل اللي كتبته ... وانا بس اللـي قـراك
وانت درب ٍ من بديته فـي حياتـي منتهيـت
وانت تعني لـي بهالدينـا نجاتـي والهـلاك
جيتك أتأسف حبيبي.. وأعترف انـي خطيـت
جيتك اسبق لهفة اشواقـي ويسبقنـي غـلاك
وانا مدري( شلت قلبي لك ) بعد عمري وجييت
والا ( قلبي شالني لك ) يابعد عمـري وجـاك
جيت اقول( إني أحبـــــكــ ) شفت عينـك استحيـت
في عيونك سحر ولهفة ... واشهـد ان الله عطـاك
لا تقول اني ذكرت .. ولا تقـول انـي نسيـت
دام قلبي ماذكـرك .... ودام قلبـي مانسـاك
[ندعوك للتسجيل في المنتدى أو التعريف بنفسك لمعاينة هذا الرابط] 
