يـا عـبـرة غـربـتـي خـذيـنـي ويـاج
عـلـى خـد الـعـراق بـﭽـيـنـي دمـعـه
سـوالـفـنـه بـعـدهـه بـلـمـة الـنـاس
تـاريـخ الـسـوالـف زيـن طـبـعــه
يـظـل طـيـف الـجـنـوب بـروحـي مـزروع
وتـظـل روحـي عـلـى درب الـطـيـف شـمـعـه
يـا وحـشـة عـشـﮕـنـه الـمـا فـطـمـنـاه
يـا ذلـة الـشـوﮒ تـخـونـه ربـعــه
يـسـولـفـنـه الـنـخـل لـلـهـور تـاريــخ
الـمـاي بـصـفـنـة الـوادم يـسـمـعــه
بـﮕـيـت احـرﮒ رمـادي بـحـسـرة الـلـيل
وخـيـط جـرح لـوعـه بـخـيـط لـوعــه
( 2 )
اظـل مـزروع بـيـك ولـيـلـك غـطـاي
يـفـززنـي الـفـرح مـن بـوسـة الـمـاي
اجـيـتـك شـوﮒ روح وعـشـﮓ مـجـنـون
لـﮕـيـتـك بـالـﮕـلـب مـتـوســد ﭽـلاي
تـمـنـيـتـك نــده عـلـى شـفـاف نـسـمـه
اضـوﮔـنـك بـروحـي وعـطـش دنـيـاي
عـزيـز انـتـه ومـعـزتـنـه نـطـفـت بـيـك
ادمـعـنـك وطـن وتـﭽـذب بـﭽـاي
عـلـى دربـك مـشـيـت بـظـلـمـة الـلـيــل
ودﮔـن بـاب ذاك الـمـا مـشـه ويـاي
ضـمـدتـك بـصـبـري وجــرح مـلـﭽـوم
اﮔـلـك آخ ودري مـضـيـع دواي
( 3 )
يـمـر عـام ويـجـي عـام ونـظـل بـيـك
غـرب والـضـيـف يـنـشـد ضـيـج الـعـيـن
يـسـد بـابـك عـلـيـنـه ومـا يـخـلـيـك
تـبـلـل شـوﮒ الـك عـطـشـان الـه سـنـيـن
عـلـى درب الـخـوف هـاجـرنـه ولـﮕـيـنـاك
دمـع بـعـيـونـه وصـرخـة مـجـانـيـن
يـا مــر الـطـبـاع وتـظـل مـحـلاك
نـخـاويـك وتـمـيـل لـصـحـبـة الـبـيـن
رضـيـت اشـرب عـطـش دمـعـة سـرابـك
وطـفـي بالـصـبـر نـيـران جـرحـيـن
جـرح يـنـزف بـﮕـايـاي وجـرح بـيـك
تـلـﭽـمـه اهـلـه وتـزيـد الـشـين بالـشـيـن
( 4 )
الـتـفـت يــا وطـن روحـي تـريـد مـلـﮕـاك
الـتـفـت مـلـت صـبـرهـه وحـشـة جـفـاك
تـعـاشرهـم بـرد مـا يـنـصـح ويـاك
وبـلـيـلـة شـتـاهـم بـاﮔــوا غطـاك
ربـيـع الـشـوﮒ بـيـنـه ودفـو يـهـواك
وجـمـر ﮔـلـوبـنـه يـبـتـسم لـشـتـاك
بـحـرﮔــة شـوﮒ اجـيـنـه ومـا لـﮕـيـنـاك
الـك عـطـشـانـه روحـي تـسـولـف ويـاك
شـفـتـك عـلـى الجـريـده تـواكـح بـﭽـاك
تـعـض ﭽـتـفـك مـنـايــه ﭽـلاب دنـيـاك
دفـنـه رواحـنـه ومـا عـاتـبـيـنـك
عـلى ﮔـبـور الـثـلـج نـخـلـه زرعـنـاك
_____________________________________
